Konstrusaun Monumentu Ex-presidente Nicolau Lobato Sei Remata 2013

Nicolau Lobato

Dili - Tuir planu konstrusaun monumentu estatua ex presidente Republika Demokratika Timor Leste (RDTL) Nicolau Lobato sei remata iha Fulan Janeiro 2013. 

Tuir Pengawas kontrusaun estatua, Agus Sukanto hateten durante nee sira servisu makas nunee parahakotu lalais konstrisaun nee atu nunee bele entrega ba Governo Timor-Leste tuir data nebe maka determina iha kontratu laran katak konstrusaun nee nia durasaun maka fulan 6.

“Ami sei harii kontrusaun nee tuir tempo nebe maka determina ona maka fulan Janeiro tinan 2013 sekarik laiha failansu hanesan iklima nebe maka iha tamba dalabarak kontrusaun atu remata tuir tempo maibe iklima ladia nunee udan hela deit entaun halo kontrusaunho durasaun fulan 6 bele too fali tinan,” hateten Agus ba STL iha Rotunda Comoro, Tersa (25/9). 

Materia nebe usa hodi harii konstrusaun nee maioria husi lokal ka rai laran soo sasan sira nebe maka iha Timor laiha hanesan besi, sementi no seluk-seluk maka lori husi Indonesia tamba iha Timor seidauk iha industria kona ba besi ho sementi. 

Fatuk nebe maka sei taka iha konstrusaun nee engeneiro sira ba halo ona teste fatuk iha Baucau parte Laga nian hodi nunee bele usa ba konstrusaun nee tamba kualidade fatuk no sasan nebe maka usa hodi halo konstrusaun alende haruka husi rai liur mai. Iha mos rai laran nebe maka nia kualidade ladook kompara ho fatuk ka raihenek husi Indonesia. 

Trabalhadores nebe maka servisu iha konstrusaun nee hamutuk 20 nebe kompostu husi Timor nain 8 no husi Indonesia 12, kontrusaun nee kaer husi kompania Nananiu, Lda nee sei entrega ba governo tuir tempo nebe maka determina. 

Estatua ex presidente nee sei hafanun esperitu nasionalismo iha nasaun joven nee no mos sei sai mahon ba ema hotu wainhira maka mai visita Timor- Leste. Tamba sira nia mate hakarak Timor ukun aan no sai diak ho desenvolvimento tuir nasaun sira seluk iha rai seluk-seluk. 

Wainhira journalista too iha fatin konstrusaun nee nota katak kontrusaun refere komesa mudansa ona no moru ba estatua mos halo ona, riin ba estatua nee besi harii hotu ona hein fui semente beenm nunee mos kontrusaun ba jardin komesa kee ona. Luc (STL, 26 Setembru 2012)