Xanana Haruka Taka CPD-RDTL Lere Apoio

Xanana Haruka Taka CPD-RDTL

SUARA TIMOR LOROSAE
http://suara-timor-lorosae.com/berita-19966-diskusaun-desentralizasaun
-no-poder-lokal-iha-suai-xanana-haruka-taka-cpdrdtl.html

COVALIMA — Primeiru Ministru (PM) Kay Rala Xanana Gusmao husu ba Grupu iha CPD-RDTL iha Covalima atu taka, hodi partisipa iha dezenvolvementu nasional kona ba programa desentralizasaun no poder lokal iha TL.

“Hau husu ba imi atu taka imi nia grupu CPD-RDTL, hodi intrega imi nia farda ba iha Polisia ka F-FDTL, se lae hau sei hatama imi iha komarka,” hatete PM Xanana, bainhira halo audensia publiku kona ba desentralizasaun no poder local iha, Suai, Sesta (12/4). 

Ne’eduni nia husu ba grupu CPD-RDTL sira ne’ebe partisipa iha audensia ne’e, karik sai husi audensia ida ne’e taka tiha CPD-RDTL, lae kaer tau iha kadeia. Bainhira temin kona ba 75, Xanana lao ain husi Tutuala to iha Suai Maucatar, lao aintanan no hatais foer buka sira atu simu Xanana nia ema, ikus mai membru CPD-RDTL oho tina ninian ema.

Nia husu ba CPD-RDTL ne’ebe defende konstituisaun RDTL 75, laiha direitu umanus maibe ditadura maka iha. Ne’eduni nia husu atu CPD-RDTL labele bosok fali populasaun sira ne’ebe hakarak servisu. Informasaun kompletu iha STL Jornal no STL Web, edisaun Sabado (13/4). Oscar Salsinha

Maijen Lere Apoia PM Xanana Taka CPD-RDTL

Kinta-Feira, 18 Abril 2013
JORNAL NACIONAL DIARIO

Chefi Estadi Maior Jeneral Forsa Defesa Timor Leste, Maijor Jeneral, Lere Anan Timur Apoia total deklarasaun Primeiru Ministru ne’ebe mos nu’udar Ministru Defesa no Seguransa, Kay Rala Xanana Gusmao atu taka grupu CPD-RDTL. 

“Hau hanoin katak Primeiru Ministru iha pozisaun diak, sira sei nafatin taka, hau mos koalia ho sira (CPD-RDTL-red) ital abele halo estado ida iha estado ida nia laran, imi (CPD-RDTL-red) dehan katak la konkorda, la simu konstituisaun imi sala ona,

”Maijen Lere Anan Timur deklara ba Jornalista sira Kuarta (17/4) hafoin enkontru semanal ho Prezidenti da Republika (PR), Taur Matan Ruak iha Palacio Prezidenti, Bairo-Pite, Dili. Antes ne’e Primeiru Ministru Kay Rala xanana Gusmao ameasa taka CPD-RDTL tamba grupo CPD-RDTL sosa fali farda militar nian husi Indonesia. Lere Anan Timor mos dehan tan, farda military ne’ebe mak grupo CPD-RDTL uza ne’e konsidera mangame liu, tanba iha nasaun ida militar ida de’it. 

“Farda ne’e hanesan ne’e, ne’e sira mos mangame, ne’e maka hau hateten, ne’e ital abele halo Estadu ida iha estado ida nia laran, ita Estado se Estado iha ona forsas armadas, ida agora nusa mak CPD-RDTL agora halo tan? Ne’e Quer Zer sira hakarak koko Estado,” Lere haklaken. 

Maijor Lere hateten, se deit iha rai nee mak hakarak kria instabilidade sei la tolera, tanba rai lulik Timor sosa ho ran no ruin ema hotu tenki kontribui ba dezenvolvimentu pais ne’e. 

“Hau hatete ba sira, imi hanoin katak Estado sosa kilat ba F-FDTL be tara iha ne’eba atu infeita an ka? Ne’e ba oho ema sira ne’ebe ke kontra nasaun ne’e, ne’e mak hau dehan ital abele halimar ho situasaun, ita hotu-hotu halo funu, balu terus liu, ne’e mak diak liu agora ita hakmatek halo oinsa para ita nia nasaun ne’e la’o ba oin, ida ne’e mak importante,” deklara Lere. 

Iha oportunidade ne’e, Jeneral fitun rua ne’e apela ba grupu Massa CPD-RDTL atu kontribui ba estabilidade, tanba ema hot uterus ba rai ida ne’e. 

“Hau rekomenda ba masa CPD-RDTL hotu-hotu hatene, hau mos hatene imi barak terus ba rai ida ne’e, ba ukun an ida ne’e, entaun se agora ita ukun an, ita tenki submete integra ita nia an ba buat ne’ebe mak ita nia Estado hatuur ba ne’e, ne’e mak importante liu, labele inventa tun sa’e, sira halo demais sira la konkorda, la konkorda ne’e uluk iha ai laran karik, bolu sira reasionariu tanba kontra ita nia prinsipiu sira nian ne’e, tanba agora ita ukun an ita tolera malu,” afirma Lere.