“Sebastiao Laos TNI Mak Oho Maibe Mauhu Timor Oan”

DILI – Loron 12 de Novembro loron ida ne’ebe maka istoriku tebes ba Timor Leste tanba ho loron ne’e mak loke mundu tomak nia matan, hodi tau atensaun ba Timor Leste nia luta ba ukun rasik an. Akontesementu 12 Novembru la ses hosi Joventude Loriku Aswain ne’ebe mak fo nia an ba mate hanesan Sebastiao Gomes ne’ebe mak mate iha Igreja Motael nia oin, iha loron 28 de Novembru tinan 1991 ne’ebe maka diskunfia hosi Tentara Indonesia mak oho.

Tuir Mario Viegas Carascalao ne’ebe mak hanesan Governador iha tempu okupasaun Indonesia nian fo sasin wainhira sai orador iha Sentru Kultura Xanana Gusmao Bidau Lecidere hodi konta istoria konaba akontesementu 12 Novembro tinan 1991, Tersa (11/11) hateten katak Sebastiao laos TNI mak oho maibe Mauhu Timor oan ida mak oho.

Iha loron 28 de Outobru tinan 1991 kalan iha ema ida telfone hau dehan governador mai lalais iha Igreja Motael tanba joven ida mate hetan tiru hosi TNI, kalan ne’e kedan hau ba kedan iha ne’eba los duni hau hare joven ida mate latan hela iha Estrada klaran ne’e mak Sebastiao maibe depois hau haruka hau nia ajudante ida mos inteljen buka tuir katak Sebastiao laos TNI mak oho maibe Timor oan ida ne’ebe hanesan Mauhu mak tiru no konserteja TNI iha nia kotuk no tempo ne’eba laos Sebastiao mak mesak mate iha tan joven ida maibe joven ne’e pro Indonesia ida mos mate tanba hetan sona lahatene los se mak sona, hatete Carascalao.

Iha loron 12 de Novembro antes akontesementu iha Santa Crus Carascalao hatete katak ida dader tuku 6 ho balun nia liu hosi Igreja Motael nia oin atu ba servisu nia hare iha Igreja Moatel nia oin joventude barak tebes komesa hosi Igreja Motael nia laran sai to’o iha liur halo nia hanoin katak loron bot santu ou santa ida nian. Informasaun kompletu iha STL Jornal no STL Web, edisaun Kinta (13/11/2014). Thomas Sanches

http://suara-timor-lorosae.com/carascalao-sebastiao-laos-tni-mak-oho-maibe-mauhu-timor-oan/