Alarma 83 husu estado tau matan Veteranus, Kombatentes, Vítima no sobvrevivénsia ho dignu

http://radioliberdadedili.com

Radio online – Assosiasaun Levantamentu Armada no Masakre Kraras 83 (Alarme 83), husu ba estado atu tau matan ba Veteranus, Kombatentes, Vítima no sobvrevivénsia iha Timor laran ho dignu.

Porta voz, João Baptista Brandão liu husi konfrensia da imprensa iha Assosiasaun HAK Sesta, (15/3) apela ba maluk kombatentes no veteranus sira tomak atu organiza an liu hosi parte oi-oin lori kumpri ba papél libertasaun povu iha nasaun doben Timor-Leste.

“Ami rekomenda ba estadu no governu TL atu kria kondisaun lori reintegra papél Kombatentes, veteranus no sobreviventes sira iha prosesu dezenvolvimentu nasional,”dehan Porta Voz ne’e.

Alarma 38 husu ba komissaun homenajen atu kolabora hamutuk ho intidade tomak hodi registu fali erois sira ne’ebé inimigu oho maibé sedauk registu sira nia naran to’o ohin loron.

Porta voz, João Baptista Brandão hatutan, assosiasaun sei esforsu atu kontribui ho ami nia kbiit ne’ebé iha,lori inisia partisipasaun veteranus no kombatentes sira ne’ebé halibur-an iha organizasaun ida ne’e, hudi partisipa ativu iha prosesu dezenvolvimentu nasional

Ho respeitu tomak fo ba martires libertasaun nasional,louva ba spiritu luta hosi Asuwainsira no soverviventes hosi Massakre sira tomak, hahú hosi 1975 to’o 1999. Fo omenajen ba Massakre Ki’ik ka boot iha Distrito 13, hahú hosi, Foho Matebian, Mai-Kabalaki to Ramelau no daet ba Mausiga, Kraras, Maupitini, 12 de Novembro, Liquica, Setembro Negro 1999 no seluk tan.

Assosiasaun Levantamentu Armada no Massakre Kraras 83 hato,o konsederasaun tomak ba Funu Nain sira hotu, ba povu tomak hosi Jaco to’o Enklave no ba Autor Levantamentu Armada hahú hosi Marabia, Jakarta 2 Ainaro, Mehara, Maupitini, Leuro, Ilomar, Dili, Baucau, Viqueque no membros MIPLIN ihaTimor-Laran.

“Ami hakarak deklara ba públiku katak iha dia 1 de Marsu 2013 estabelese ona organizasaun ida ho naran Assosiasaun Levantamentu Armada no Massakre Kraras’83. Ne’ebé inisiativa mai hosi Autór Levantamentu Kraras 83 ne’ebé uluk halibur an iha MIPLIN no suvreviventes hosi Massakre sira tomak.

Reintegrasaun papél kombatentes veteranus no maluk sovreviventes sira iha sosiadade sai fatór de terminante, nune bele kontribui ba dezenvolvimentu iha idak-idak nia fatin, suku no aldeia.

Bazea ba objetivu atu dignifika no valoriza espiritu eroismu hosi sira ne’ebé mate tiha ona, no reintegra no organiza sira ne’ebé moris hudi kontribui ba luta libertasaun povu.

18 March 2013

http://radioliberdadedili.com