 |
| Veteranus Funu-na'in FALINTIL |
DILI - Reprezentante Parlamentu Nasional (PN) Bankada FRETILIN, Eladio Faculto senti preokupa tebes ho programa governu kona ba kria bolsu estudu ba veteranus nia oan tamba bal u oras ne’e dadaun tama ona iha nivel universidade maibe derepenti governu koa fali osan. Eladio informa kestaun nee ba Jornalista iha PN, Segunda (18/3/2013).
Tuir Eladio katak, bolsu estudu nebe mak uluk governu fob a vetaranus nia oan sira hodi kontinua sira nian estudu, tan nee maka iha veteranus nia ona barak maka ag ora kontinua nian estudu iha nivel universidade maibe to’o ikus governu koa fali osan nee laiha informasaun nebe klaru.
Nia mos haktuir katak, tuir los governu labele koa osan sira ne’e, tenki kontinua nafatin bolsu estudu ne’e hodi selu nafatin sira nia eskola atu nune’e sira mos esforsu an nafatin hodi hala’o sira nia estudu ba sira nia futuru oin mai.
Nia hatutan tan katak, bainhira veteranus nia oan sira ne’e kuandu hetan ona bolsu estudu atu labele koa sira nia osan tenki nafatin selu atu nune’e sira mos bele mantein nafatin sira nia estudu hodi hala’o ba oin nafatin.
Deputada FRETELIN, Ilda Maria da Conçeiçao mos senti la satipas ho governu ninian mekanismu neebe derepetin deit kua fali osan bolsu estudu nebe fo ba veteranus nia oan.
“Hau hanoin ho osdan nebe governu fo ho montante $ 85 ida nee kasian tebes ba sira, nudar estudante veteranus no martires nia ona. ona nebe’e hodi ba estuda iha rai liur mak 85 dolares ida ne’e kasian tebes ba sira, ida ne’e kasaian tebes ba estudante veteranus no martides nia oan sira.
Tuir Ilda kata, lolos nee bainhira governu fo ona bolsu estudu ba veteranus ho martires nia tenki hetan mil ital, atu nune’e sira mos bele selu eskola no sosa sasan, laos fo deit $ 85 ne’e susar tebes ba sira atu halo buat hotu, satan iha ema nia rain tanba sira ba la’os hela ho sira nia familia iha Indonesia ka Malaysia.
Iha fatin hanesan, Adriano Joao, Membro deputando husi banka PD haktuir katak, bolsu de estudu ba veteranus nia oan sira nebe ho valor ou kuantidade $ 85, ida ne’e hanesan minimiza bo’ot ida ba veteranus ou martides nia oan sira. Tanba ne’e hau la simu assuntu ida ne’e, husu ba Ministerio Edukasaun tenki hare lalais hodi rezolve asuntu ida ne’e, katak nia. Mj7/Mj2
Suara Timor Lorosae
Tersa, 19 Marsu 2013
Sem comentários:
Enviar um comentário