Veteranus Ainaro Prepara Harii Asosiasaun

Veteranus Funu-na'in Falintil

DILI — Veteranus sira husi distritu Ainaro, oras nee hahu prepara kondisaun atu harii asosiasaun veteranus. Objetivu harii asosiasaun nee atu kuda fundu ba dezenvolmentu no futuru veteranus sira nia oan.

Tuir Gil da Costa (veteranus), katak faze sosializasau daudaun hahu halao entre veteranus sira iha distritu Ainaro no komesa hakat tan ba faze konsolidasaun antes kongresu nebe seidauk determina tempu.

“Enkontru entre veteranus ainaro hahu halao ona dala rua iha distritu Ainaro, embora enkontru seidauk involve veteranus tomak iha distritu Ainaro, maibe responsavel sira liu-liu hanesan sub rejiaun, zona daudaun komesa sosializa konaba planu harii asosiasaun veteranus iha Distritu Ainaro,” hatete eis komandante Falintil Rejiaun IV nee ba STL iha Komisaun Homenajen, Kaikoli, Segunda (18/3).

Maske seidauk involve veteranus sira hotu iha distritu Ainaro, enkontru nebe halao dala rua, hetan reajen posetivu husi veteranus sira inklui komunidade. Asosiasaun nee maske sei akumula deit veteranus sira nebe hetan benefisiariu, maibe inisiativa harii asosiasaun nee hetan responde diak, nee tuir Gil, hanesan inisiu nebe diak atu dezenvolve distritu Ainaro.

Komandante Gil informa katak estabelsementu asosiasaun veteranus iha distritu Ainaro ho objetivuatu tau fundu hamotuk hodi haree veteranus sira nia oan sira iha futuru.Inisiativa mosu tanba tanba haree realidade veteranus sira nebe hetan benefisiariu kuaze barak la halo buat ida, balu konsege halo uma, mas balu hodi hemu deit tua. “Se ita husik situasaun nee lao nafatin veteranus sira nia sei moris abandonado, tanba nee presiza kria fundu ruma liu husi asosiasaun atu bele haree veteranus sira nia oan no kontribui ba dezenvolmentu distritu Ainaro.

Asosiasaun veteranus katak Gil, sei la akumula ema tomak, maibe asosiasaun nee sei fo prioridade liuba veteranus ainaro oan nebe hetan benefisiariu, inklui familia martires nebe simu ona osan martires sira nian. Mas la taka dalan mos ba veteranus nebe simu ona osan pensaun pequino, mas tenke tau osan iha asosiasaun.

Asosiasaun veteranus tuir Gil sei hola servisu nebe partensia kompetensia Sekretariu Estadu Asuntu Veteranus nian, asosaisaun nee hanesan mahon ida hodi tau hamotuk fundu hodi haree veteranus nia oan sira nia futuru.

Durante nee katak Gil, ema hotu preokupa konaba prezensa xineza sira nia atividade iha rai laran. Preokupasaun nee mosu tanba xineza sira mai ho capital komesa kuda iha timor laran tomak, enkuantu timor oan tane hansan hodi haree tanba lai kapital, ho meius sira nee timor oan sira iha kbiit halo kompetisaun ho xineza sira.

Timor Leste hanesan nasaun nebe independente, sei la bele taka aan ba mundu hodi simu prezensa ema estranjeiru sira, mas timor oan tenke sai hanesan uma nain ba ema estranjeiru sira, la bele sai ema pingiran.

“Pelomenus hanesan uma nain hau sei helik ih afatin diak ruma hodi haree ema sira nebe mai nee,” komenta Gil.

Planu kriasaun asosiasaun veteranus Ainaro, hetan atensaun husi funsionariu balu iha distritu Ainaro, Tuir Gil katak banihira ema ainaro oan sira hotu iha hanoin atu haree ba futuru, distritu Ainaro sei hetan mudansa ruma iha dezenvolvementu.

Iha parte seluk Denis Magno (veteranus) konsidera inisiativa harii asosiasaun nee posetivu tebes atu kontribui dezenvolve distritu Ainaro nebe izoladu. “Hanesan ema Veteranus hau prontu atu fo kontribuisaun ba asosiasaun nee. Hanesan ema beik la hanoin too iha neba, mas ami hakarak iha duni organizasaun ida hodi tau matan baa mi nia oan sira,” hatete Denis. din

Suara Timor Lorosae

20 Marsu 2013