Luta ba Liderdade, Timor oan Iha Portugal Ejiji Rekonesementu Estadu

Dili - Luta ba Prosesu Libertasaun Timor Leste ba Ukun Rasik A’an, Komonidade Timorense nebe mak oras ne’e hela iha Portugal, ejiji direitu rekoinesementu estadu tamba sira mos partisipa iha luta ba libertasaun.

Tuir Relatoriu Komisaun F Asuntu Edukasaun, Saude, Kultura, Veteranu no Igualdade Jeneru nebe fo sai husi relatora Deputada Bankada Fretilin Ilda da Conceicao katak, komunidade Timor oan nebe hela iha Portugal, aprezenta kestaun barak tamba sira balun ba Portugal iha tinan 1980.

Komonidade Timorense iha Portugal liu-liu sira nebe maka partisipa iha luta ba libertasaun, ejiji rekoinesementu estadu atu sira mos bele tama iha lista kombatentes libertasaun nasional, dehan Ilda wainhira fo sai rejultadu relatoriu Estudu Komparativu nebe halao iha Portugal.

Iha fatin hanesan Deputadu Bankada CNRT Duarte Nunes hatete relatoriu nebe komisaun F fo sai, tamba hasoru malu ho embaixador sira relasiona ho prekupasaun nebe mak iha komunidade timor oan sira hasoru iha rai liur.

Iha parte seluk deputadu Bankada Fretilin Osorio Frorindo informa kuandu senti Aan hanesan veteran, sidadaun ida-idak buka rejistu ninia naran laos governu no estadu mak ba buka tuir kuandu buka ne’e mak sei buka maluk, familia, partidu to’o ikus lalos. Informasaun kompletu iha STL Jornal no STL Web, edisaun Tersa (18/2/2014). Timotio Gusmão

STL, February 17, 2014